"شرائط وآداب تعویزات"
Aamal-o-naqoosh istemal karnay
k liay mukhtalif aqsam k aamal-o-naqoosh k liay khawah likha ho ya na likha ho
in sharayet per zaroor amal karna ho ga agar in per amal na kiya geya to ho
sakta hai k amal ya naqsh apna asar na dikhaye aur kam na ho aik aeham bat
istekharah zaroor kiya jaye is se pehley he amal k honay ya na honay ka pata
lag jaye ga yad rakhiay "istekharah" karna sunnat hai aur is ka sahee
aur kamil tareeqa wohe hai jo hadees se sunnat se sabit hai.
Naqsh
likhnay se pehle taza(fresh) ghusal kiya jaye warna wuzu har hal mei lazim us
soorat mei ho ga jab k kisi aayat , isma-e-elahi ,ya surah sharif ka bayes
aman-o-sakoon aur kisi achay kam k liay naqsh likha jaye ga jab tak aisa naqsh
mukammal na kar liya jaye kisi se kalam na kiya jaye jab k hath naqsh likhnay
mei magan mei hon aur zuban per durood-e-ibraheemi ka vird jari ho, pak
noorani roohani naqoosh likhnay k waqt koi aisee aurat pas na bethi ho jo
ayyam-e-haiz mei hon in aadab-o-sharayet ka us soorat mei bhi khayal rakhna
ho ga jab koi pak ya nek amal bhi karna ho ga jo aamal nek nahi hon ge un mei
agar parhez na ki jaye to bhi theek hai wagarna achay kam karnay se allah khush
hota hai lekin amaliyat deen-e-islam se bahar hen, is liay sharaye tor per
nek-o-bad aamal karnay aisay he hain jese duniya mei badi aur achaye hai amal
sirf amal hota hai aur ise karnay wala sirf amil ya us amal k zariay kamyab
honay wala shakhs khawah us ka talluq bad se ho ya nek se ajar saza-o-azab
allah he deta hai is liay nehayat dekh kar koi bhi kam kiya jaye jab k naqoosh
urooj mah ki (15) tareekh tak likhnay chahiay khawah hub k mutalliq koi amal he
keon na ho phir pehle qalam hath mei pakrray aur kaghaz ko dahni ran (right
leg) per rakhay koi meethi shay moun mei zaroor rakhay bakhoor hub ka koyelay per
rakhay ta k hub ka mutalliqa moakel-o-jinn us kam mei madad kary , taveez ko
mushk zafran wa arq-e-ghulab se likhna chahiay aur agar amal karna ho to
mehboob ka pehna hoa kaprra zaroor hona chaiay agar mard aurat se dosti karna
chahta hai to mard ka name ma walidah aurat k name se pehle likhna chahiay ,
taveez beemari ya sehar k likhay to apnay aap ko nehayat dunyavi gham-o-fikar
se alehdah rakh kar naqsh likha jaye apnay maqsad k elawah koi doosri soch nahi
aani chahiay, agar adawat k naqoosh likhen to pehle kaghaz baayen
ran(left leg) per rakhna chahiay phir qalam hath mei le kar koi tursh ya talkh
cheez moun mei rakhni chahiay aur naqsh ko kali ya neeli seyahee mei sirka aur
tail mila kar likhay aur heeng ko koyelay per rakh kar us naqsh ko dhoni deni chahiay
is naqsh ko zawal mah qamri mei likhna ho ga taveez judaye ya adawat ka aurat k
mankooha k liay na likhay jab tak sharye zaroorat na ho agar taveez zuban bandi
, khawab bandi k likhnay hon to moun mei kali mirch rakhay aur naqsh ko
shangraf aur kali seyahee se likhay , sifli aamal musalmano ko parrhna
bayes-e-zawal eman hai is liay koshsih yehe ki jani chaiay k sifli
aamal-o-naqoosh istemal na kiay jaye chun k yeh aik roohani blog hai is
mei alvi wa sifli dono aamal darj hon ge ab kon fard kis amal ko zeyadah
aehmiyat de kar nekiyan ya azab jama karta hai yeh us insan aur allah ka
muamila hai amaliyat-o-naqoosh istemal aur unhen khud apnay hathon se karnay
waley is bat ko zaroor yad rakhen k is blog mei sab kuch he darj hai lekin us
mei se khud he dekhna ho ga aur faisla karna ho ga k kon se aise aamal karen
jis se allah ki zat zeyadah khush ho wagarna blog mei jin hindo devtaon aur
devion se k nuskha jat darj hen us ki misal aisay he samajh li jaye k jesey aik
ghulam ko apnay matehat rakh kar us se kam lenay hen na k use apna aaqa banaya
geya hai jis se koi musalman hindo devta ki puja pat karay ya us ka dam bharay
yeh sharaye tor per najayez hai bal k in devtaon se dunyavi kamon ko karwana
chaiay aur sirf kam karnay ki had tak un se talluq rakhna chahiay.
"آتشی تعویزات"
Chun k kalam allah ya aayat ya arabi kalam kisi bhi
shay ko nahi jalaya jata bal k "faleeta jat" jinhen batiyan kehtey
hen jis ka talluq jadoo tonay se nijat dilwanay ka hota hai unhen jala kar
mareez ko dhoni de jati hai lekin baz arabi azeemat aisee zaroor hoti hen
jinhen aag k neechay dafan kiya jata hai ta k mutwatar hararat pohanchti rahey
is k liay youn kartay hen k taveez k oper neechay aik kori theekri rakh kar
lohay ki taar lapet detay hen ta k naqsh ko hararat ehteyat se pohnchay aur use
aag k neechay ya chohley waghirah mei itni door dafan kartay hen k hararat
pohnchay magar jalay na aatishi taveezat ki battiyan banaye jati hen un ko
charagh mei jalaya jata hai sa'ad aamal mei achi cheezon per likhty hen maslan
kaghaz, bakri ka shana, hiran ki khal, loh cheeni, kori theekri, ghorray ki
na'al, aur charagh mei bhi khushboo'dar tail daltay hen ya ghee se jalatay hen
, dushman ko saza ya kisi ka ghar barbad karnay k liay yani nehas aamal mei
kuttay ki haddi, gadhay ki khal, rangdar kaghaz, purana raddi kaprra ghar
se nahi letay bahar se parra uthaty hen, mendak ka chamrra aur namak waghirah
letay hen yeh naqoosh kafoor ya neely rang aur kali seyahe se likhty hen aur
aag k pas rakhty hen aur likhty waqt moun mei koi talkh shay daltay hen aur
moun mashriq ki taraf kartay hen aur aik zano bethty hen aur koyelon ko surakh
kar k un k pas beth kar likhtay hen ta k koyela ki aag khud ko lagti rahe agar
aatishi naqoosh ka chilla kar k in ka amil bhi ban'na ho tab bhi koyelay jala
kar pas beth kar likhay jatay hen.
"بادی تعویزات"
In naqoosh ka talluq phoolon se
hota jis mei matloob ya kisi naraz shakhs ko amadah karnay k liay phoolon per
mutalliqa aayat ism-e-elahi ya jo koi bhi wazeefa ho parrh kar mehboob ya mutalliqa
afrad ko sirf soonghaya jata hai ya itter khushboo per dam kar k bhi soonghaya
ja sakta hai jis se maqsad mei kamyabi hoti hai chun k is ka talluq dam se ho
ga aur dam jisam k ander se nikli hawa k zariay hota hai baz oqat agar naqoosh
, phool, itter k elawah kisi aur shay se kam lena ho to woh phal halwa ya jo
koi bhi meethi shay ho us per dam kar k mutalliqa fard ko khilya jata hai jis
se maqsad mei kamyabi hoti hai agar koi kisi ko in cheezon mei se na khila sake
to kisi mei taqseem kar diya karay tab bhi asar hota hai agar mehboob ya koi
apna azeez rishta'dar kahen door chala geya ho tab bhi wapis lanay k liay
naqoosh ko darakht ya ghar mei kisi onchi jagah latkatay hen jis se use hawa
lagti hai aur us mei asar peda hota hai , nehas aamal aur badi naqoosh k zariay
dushman ko maghloob ya use saza denay k liay kantay dar ya karrvay phal k
darakht per latkatay hen aur naqsh ko dushman k pehnay hoay kaprray per likhna
hota hai aur jis darakht per yeh naqsh latkaya jata hai yeh kekkar ya neem ka
darakht hona chahiay aur agar ho sakay to us darakht k sath us naqsh ko
latkanay se pehlay us k ander chand kantay bhi dal de is se asar zeyadah hota
hai , badi silsilay se talluq rakhnay waly naqoosh baz taveez hath per
bhi likh kar dikhatay hen jis se mehboob mohabat mei mubtala hota hai lekin yeh
naqoosh nahi hotay bal k un ka talluq talismat se hota hai baz hub k
aamal mei kuch aayat ya mutalliqa azeemat ko parrh kar apnay hathon per dam kar
k apnay he moun per pher kar mehboob k samnay jaya jata hai.
"خاکی تعویزات"
In naqoosh ka talluq zameen se
hota hai jis mei mukhtalif maqasid ki khatir naqoosh ya koi amal kar k dafan
kiay jatay hen maslan agar hub ka kam to naqsh ya koi amal waghirah mehboob k
pehnay hoay kaprray per tehreer kar k usey mehboob ki guzar'gah mei dafan
kartay hen isi tarah agar koi dushman ho to bhi usi k kaprray per koi nehas
amal kar k usey ya to us ki guzar'gah ya qabristan mei dafan kiay jatay hen jis
se dushman ka khana tabah hota hai baz aamal is qisam k bhi hotay hen jesey koi
shakhs kahen door rehta ho aur usey wapis lana ho to qabristan ki matti
per koi azeemat ya surah parrh kar dam kar k usey qabristan mei dafan karnay se
mutalliqa maqsad mei kamyabi hasil hoti hai baz martaba kisi mafroor ko wapis
lanay k liay koi naqsh ya amal ko zameen mei dabaty hen ya us k oper koi wazni
pathar rakh detay hen jis se door geya hoa shakhs wapis aa jata hai , wese asal
mei khaki taveezat ka kam sirf naqoosh , aamal-e-nehas , aamal-e-sa'ad , ya jo
kuch bhi ho usey zameen mei he dafan kiya jata hai khawah us ka talluq chorahay
se he keon na ho to yeh naqoosh ya aamal maqsad k hisab se likh kar zameen mei
dabaye jatay hen un mei se baz aamal aisay bhi hotay hen k mehboob ya dushman k
sonay wali jagah k neechay dafnanay se mutalliqa maqsad mei kamyabi hoti hai us
mei bhi sahe tareeqay se yeh samajh lena chahiay k khaki naqoosh ya aamal ko
agar zameen mei dafan kiya jaye to asar zaroor waqia hota hai ya hub-o-bughaz ,
dushmani , adawat , mohabat , narazgi door kar k un mei sulha karwanay k liay
aamal ya naqoosh ko unki guzar'gah mei dafan kiya jaye to asar zaroor hota hai
in naqoosh ya aamal ko aise jagah likhtay hen jahan kamra khali ho hawa'dar ho
moun junoob ki janib ho aur aik zano per beth kar khaki types of taweez ko likhtay hen in qawayed per amal
karnay se koi bhi naqsh ya amal khata nahi jata.
"آبی تعویزات"
Yani pani ki madad se kisi bhi
maqsad mei kamyabi dilwanay waley aamal ya naqoosh kaghaz per likh kar matloob
ko pilatay hen ya kisi cheeni ki tash'tari per likh kar pilatay hen ya
pani k peyalay per dam kar k pilatay hen ya naqoosh pani k kinaray dafan kartay
hen ya pani mei bahaye jatay hen pani k kinaray dafan karnay ka tareeqa yeh hai
k matti ki choti se bartan le kar us mei taveez rakh kar us ka moun mom se ya
kisi aur tareeqa se achi tarah band kara detay hen ta k pani ander na ja sakay
phir usey pani k ander ya kinaray per dafan kartay hen ta k nami pohanchti
rahey pani mei bahanay ka tareeqa yeh hota hai k baans ki nali ley kar us k
ander naqsh rakh kar moun per mom ya kisi tareeqay se dat laga kar achi tarah
band kiya jata hai aur pani mei baha detay hen aur aisey taveezat kisi dariya
ya koonayen ya nadi mei daltay hen, aabi taveezat kisi hoz ya dariya k kinaray
likhay jatay hen ya pani ka tasht pas rakhtay hen moun shumal ki taraf rakhtay
hen jis se mutalliqa maqsad mei kamyabi zaroor milti hai baz oqat hub ya
dushmani k muamilat mei mukhtalif aqsam k naqoosh ya mukhtalif azeemat ko parrh
kar pani per dam kar k mehboob ya dushman ko pilaya jata hai jis se maqsad mei
kamyabi zaroor milti hai agar koi pani ko pilaa na sakay aur mizaj mehboob ya
dushman ka aabi ho aur un ko pani pilana na'mumkin ho to kisi naqsh ya amal ko
kar k dariya ya nehar k kinaray is tareeqay se dafan kartay hen k un per se
sirf pani guzarta hai , agar hub mei kamyabi hasil karni ho to dariya ya nehar
k kinaray naqsh ya amal ko dafan kiya jaye aur agar dushman ko saza deni ho ya
us ka khana tabah karna ho to usey apnay ghar k per'nalay jahan se barish ka
pani guzar kar neechay aata hai wahan rakha jaye.
No comments:
Post a Comment