Kala Jadu types(kala jadu aqsam)

Kala Jadu types(jadu ki aqsam)|kalajadoo aur jinnat:

Baz hazrat yeh kehtey hen key jadu sirf shobada bazi aur nazar bandi ko kehtey hen is sey zeyadah jadu aik aise haqeeqat hey jis ka sahara ley kar haqayeq ko tabdeel kar diya jata hey aur iskey zariay sey jins bhi badli jati hey iskey elawah aur bhi bohat sey fitne iskey zariay zahoor mei aa jatey hen jo khalq-e-khuda key liay nuqsan ka baayes bantey hen isi liay kala jadu ko shar'an haram qarar diya hey,maroof sahabi h.ka'ab r.a sey rawayat hey kehtey hen key yahoodi merey eman laney sey bohat ghussa hoye aur agar mei aik azeemat ko apney wird mei na rakhta to woh mujhey jadu tona key zor sey gadaha(donkey) bana detey lekin mei azeemat wird mei rakhney ki wajah sey mehfoos raha is rawayat sey yeh sabit hota hey key jadu key zariay sey insan ko gadha bhi banaya ja sakta hey.

kala jadu ki aqsam aur kala jadoo haqeeqat:

Hakeem jameel aehmad sahab likhtey hen key Allah ta'ala key waeesla ko khufiya asbab wa amal key zariay khilaf-e-aadat afaa'al-e-ajeebiya per qudrat ka name sehar(jadu) hey,duniya mei mukhtalif aqsam key murawwajah aur la'tadad tareeqay mei khufiya asbab ko jin key zariay umoor zahoor mei aatey hen kuch "roohaniyat" sey mutalliq hen jese rohaniyat,kawakib,aflak,aur anasir ki rohaniyat misal key tor per rohani amraz ya jinnat wa sheyateen ya woh arwah jo jisam sey alag ho chuki hen aur unko musakharr taskheer kar key inko mukhtalif kamon mei istemal kiya jata hey,rohaniyat sey talluq peda karney key liay bohat sey tareeqa hen kabhi inka name ley kar muqarrarh tareeqa sey ilteja ya faryad ki jati hey ya makhsoos tarteeb dey kar kalam parrha jata hey (2) types per jadu paya jata hey (1) type ka tareeqa 'kuldaniyao' ka hey , (2) type ka tareeqa 'aehl e babul' ka hey jiska aaghaz "haroot wa maroot" sey hoa tareekh sey pata chalta hey key kuldani Kala Jadoo key barrey mahir hotey thay aur namrood key zamana mei ulama e babul ney (6) talisman aisey teyar kiay thay jo key aqal wa feham sey bahar thay.

1. kuldaniyao ney tanbey ki batakh(duck) bnaye thi iski khasoosiyat yeh thi jab koi chor ya jasoos shehar mei dakhil hota to yeh bolney lagti thi to log samjh jatey thay key shehar mei koi chor ya jasoos dakhil hoa hey aur log iski talash mei lag jatey aur giriftar kar liya jata.
2. aik ajeeb naqqarah teyar kiya tha iski khasoosiyat yeh thi agar kisi shkahs ka maal aur raqam ya or koi shay gum ho jati thi to woh shakhs naqqarah bajata tha to iski awaz aati thi key tumahari gumshudah cheez falan jagah ya falan key pas hey maloom kiya ja sakta hey.
3. aik aisa hoz tarteeb diya tha key kisi jashan key moqa per log iskey kinarey jama ho jatey thay aur mukhtalif qisam key sharbat ismei dal detey thay aur jis waqt unko zaroorat hoti wohi matlooba sharbat unko mil jata.
4. aik aisa aaeena tha key jo ghaayeb ka haal batata tha key falan shakhs kahan hey aur kis hal mei hey.
5. aik aisa talab banaya tha key jis sey mukhtalif qisam key masayel hal kiay jatey thay misal key tor per kisi cheez key (2) shakhs dawa kartey hen key meri hey dosra kehta hey meri hey to unko talab mei utara jata tha jo haq per hota pani naf tak aata aur jo ghalat hota woh talab mei doob jata.
6. aik aisa drakht namrood key mehal key samney lagaya tha jiska sayaa aadmiyo ki tadad key mutabiq ghata aur barrhta tha yeh sab talismat jadu namrood key mehal mei mojud thay.

kala jadu key amileen ka kehna hey key yeh 'kuldani jadu' bohat mushkil hey iskey hasil karney mei sakht sey sakht mehnat wa mushaqqat ka samna karna parrta hey itna zaroor hey key is ilm sey amil kala jadoo aisey kamalat dekhata hey key insani aqal heran reh jaaye iss type key jadu mei arwah ki taskheer hoti hey jis mareez ko doctor maheeno ilaj kr key theak nahi kar pata iss jadoo ka jannay wala lamhon mei theak kar sakta hey iss qisam ka sehar bila shuba kufar hey iss jadu ki (5) types hen.

1. rohaniyat kawakib ki taskheer pehla tareeqa amal taskheer qamar hey aur taskheer qamar ki dawat mei jo amal parrha jata hey woh kufriya hey isliay iska tehreer karna bhi munasib nahi, aehl-e-babul haroot wa maroot ki taleem key mutabiq taskheer rohaniyat alwiya wa safliya,jismaniya waghera krtey thay aur aehle yonan taskheer rohaniyat mei alwiya per iktefa krtey thay inka kheyal mei rohaniyat alwiya ki taskheer key bad rohaniyat safliya ki taskheer ki zaroorat nahi zamana qadeem mei hindustan mei bhi kala jadu aehle babul ka rawaj aam tha.
2. Jadu ki dosri qisam jinn wa sheyateen ko taskheer krney ki hey yeh pehli qisam sey aasan hey hindustan mei jadu ki yeh type kasrat sey hey iss qisam key jadu mei bhwani,hanuman,kali,bhervi,lona chumari,aur mukhtalif devi devtao ki duhaiyan dey kar inkey jaye waqua per khushboo jala kar dhoni dey kar bhent charrah kar kam liya jata hey yeh dosri type ka jadoo bhi haram kufar hey.
3. teesri qisam(type) jadu arwah khabeesa hey ismei kisi qawi hekal shakhs ki rooh ko kalam sheyateen per kar tskheer kartey hen aur apney tabey kar letey hen aur insey misal e nokar kam letey hen is qisam key jadu mei aksar aam tor per arwah-e-khabeesa sey he kam liya jata hey isliay yeh bhi haram hey.
4. jadu ki qisam mei mamool ki quwwat wehma ko baz arwah khabeesa ya jinnat key zariay kharab kar di jati hey yani mamool ko samney ki cheez nazar nahi aati agar nazar aati hey to hol'nak surat mei dekhaye deti hey. Fir'on key jadugaron ney h.mosa a.s key muqabla mei is qisam key jadu bnaye hoye saanp chorrey thay is qisam key jadu ko samri jadu bhi kaha jata hey jo key fir'on ka sab sey barra jadugar tha ismei arwah khabeesa ki madad li jati hey aur shetan key names ki duhaye de jati hey aur had sey zeyadah inki tazeem ki jati hey yeh bhi kufar hey.
5. is type key jadu mei ajeeb wa ghareeb nazarey logo ko dekhaye jatey hen agar kala jadu ki aqsam(types) ko beyan kiya jaaye to bohat hen bas itney per ittefaq karta hon amliyat key talib amileen key liay itna he kafi hey ab aagey woh muzar asrat jo jadoo sey peda hotey hen.

Kala Jadu key Nuqsanat|kala jadoo ki alamat:

1. pehli alamat jadu yeh hey key husband wife aapas mei mohabbat wa ulfat sey zindagi guzar rahey hen achanak sey bina kisi wajah key aapas mei jhagrre fasad shuroo ho jaaye aur aik dosrey ki shakal sey bhi bezar ho jaaye.
2. dosri jadoo ki alamat yeh hey key aurat apney shohar ki mohabbat mei freefta ho aur jadu kar key nafrat daal de jaaye aur woh shohar ki shakal dekhna gawara naa karey.
3. teesri jadoo ki alamat yeh hey key aurat apney shohar key ausaf beyan kartey kartey nahi thakti balkey din rat apney shohar ka dam bharti hey magar safli jadu kei zariay isko bad'zan mutanaffar kar diya jata hey aur isko shohar ki shakal misal kutta aur khinzeer nazar aaney lagti hey.
4. yeh alamat mei kisi bhi haseen jawan khubsoorat larrki honey key bad bhi rishta nahi hota rishtey waley larrki dekh kar inkar kar detey hen isi tarah arsa guzar jata hey.
5. jadoo ki alamat mei larrkiyon key rishtey aana band ho jatey hen yani begher dekhey log bad'zan ho jatey hen iskey zikar sey nafrat dilon mei honey lagta hey.
6. iss qisam ki alamat mei mard apni bewi bachon per jan deta hey magar jadoo key asar honey ki wajah sey nafrat wa bughaz krne lagta hey aur samjhaney wala bhi dushman lagta hey.
7. yeh alamat jadu ki yeh hey key yeh bherr,bakri,gaaye,bhens per yani doodh deney waley janwaron per kiya jata hey iskey rasta mei dal detey hen in janwaron ka doodh sookh jata hey bacha mar jata hey doodh peeney wala sookh jata hey.
8. yeh qisam ka jadoo doodh deney wale janwaro aur bacha jannay wali maa'on per kiya jata hey khawah janwar hon ya aurat is jadoo key karney key bad bacha pet sey be'waqt zaya ho jata hey.
9. yeh jadu ki qisam mei jadoo key zariay khas kar olad ko nishana banaya jata hey yani no'molood aur sheer khawar bachon per jado kiya jata hey aur bachey sookh kar mar jatey hen.
10. is qisam key jaduu mei taley sunbla mei baroz mangal ya jumma ko aik putla atarad ka bana kar rastey mei dal detey hen woh putla jis aurat key paaon mei aa jaye ga asi aurat ki larrkiyan he peda hon ge larrka nahi.
11. jadoo ki qisam mei mard ki mardana quwwat ko bandh diya jata hey jis ki wajah sey woh nakara ho jata hey.
12. jado ki yeh qisam mei mard key jorron mei dard peda kar diya jata hey aur mard be'kar ho jata hey.
13. yeh qisam key jadoo mei aurat key sar aur pet mei pani peda ho jaata hey.
14. is qisam key jadoo key bad aurat rang badalna lagti hey aur thorri der bad tabdeeli hoti hey aur iski shakal surat bheyanak ho jati hey.
15. is qisam key jadu mei aurat ko bandh diya jata hey yani aurat banjh ho jatai hei.
16. jadu ki is qisam mei mard ka rozgar bandh diya jata hey.
17. jadoo ki is qisam key zariay ghar ko weeran barbad kar diya jata hey is ghar ki kher wa barkat uth jati hey mohabbat khatam ho jati hey aik dosrey ko dushman samjhtey hen aur rat din jhagarrtey hen.
18. is qisam key jadoo mei apney matlooba shakhs ko khwah aurat ho ya mard shadeed bemari mei mubtila kar diya jata hey aur kisi surat shifa nahi hoti.
19. is qisam key jadoo mei kisi bhi mard ya aurat ko zaleel kar diya jata hey har koi insey bilawajah nafrat karney lagta hey koi aitbar nahi karta.
20. yeh jadu ki alamat mei kisi afsar ya hakim ya mulazim ko nokri sey hata diya jata hey jadoo key asrat honey ki wajah sey hata diya jata hey.
21. is qisam key jadoo mei aurat ko talaq krwae jati hey yani aurat ka ghar ujaar diya jata hey jab tak jadu ka ilaj na ho kitney he nikah hon sab toot jatey hen.
22. is qisam key jadoo mei haseen khubsoorat aurat key husn ko begarr diya jata hey jis ki wajah sey woh sab ki nazron mei zaleel ho jati hey.
23. is qisam key jadu mei har taraqqi ko rok diya jata hey yahan tak key tameer kiay makan ko ujarr diya jata hey ghar mei koi aabad nahi ho pata balkey weeran ho jata hey jo bhi makan mei aata hey jaldi he chorr kar bhag jata hey.
24. is qisam mei jadoo key zariay sey afsar ka tabadla krwa diya jata hey aur shehar sey door kr diya jata hey.
25. yeh jadoo ki alamat mei har kam rukawat daal di jaati hey har kam ruk jata hey bina kisi wajah key.

kala jadu ki bohat aqsam hen magar itni kafi hen apni hifazat zaroori hey.